【 點解要吸收膳食纖維?】
世界各地嘅長輩由細到大都逼迫啲細路要食菜🥦不過就從來唔講點解，淨係一味「質」😂開明啲嘅就會解釋你聽係因為要便便。其實攝取足夠膳食纖維仲有好多好處㗎✅快啲拉落去睇吓有咩功用！
好處1 控血糖
膳食纖維可以包住醣類，令食物無咁快被分解吸收，延緩葡萄糖吸收速度，食嘢之後血糖唔會急速上升，有助糖尿病患者控制血糖
好處 2 降血脂
水溶性纖維可以同膽酸結合，將膽酸排出體外，防止膽酸經由人體腸肝循環吸收再利用，有助促進膽固醇轉變成膽酸，降低血脂肪、預防心血管疾病
好處 3 益生菌食飽飽
腸道內菌種平衡，免疫力先會好。想要改善腸道菌叢，淨係補充益生菌唔夠㗎，仲要食可以令呢啲益生菌生長嘅「益生質」。膳食纖維就係益生菌嘅食物來源之一，有助體內益生菌繁殖生長，維護腸道健康
好處 4 體重控制
水溶性膳食纖維吸水之後會膨脹，形成凝膠狀，佔據胃部空間，間接增加飽肚感，咁就唔駛食咁多啦！
好處 5 預防Cancer
非水溶性纖維主要功用係刺激、促進腸胃道蠕動，加速便便，縮短佢喺腸胃停留嘅時間同接觸面積，防止腸道吸收代謝廢物，達到預防大腸、直腸癌嘅效果
閱讀更多 #Healthtitude 文章
https://hk.allklear.com/blogs/drinkable_wellness