【🚨警世post！男人絕精喇！🚨】

 

大件事喇！全球男人2045年將會「絕精」喇！👼🏼

唔係標題黨，亦都唔係呃like救收視！人類真係面對緊極嚴重嘅生育問題。 

 

根據英國《衛報》報道，專家警告人類面臨生殖健康危機，去到2045年，男性就再無精子喇！專家表示喺1973至2011年間，外國男士精子數量已經減少咗59% ⬇️，問題至今都無扭轉嘅跡象，繼續係咁精子就會完全滅絕喇！

 

咁究竟係咩出咗問題呢？專家話係因為我哋日常生活接觸嘅嘢都充斥住好多化學物，影響荷爾蒙，其中令包裝塑料變軟、有彈性嘅鄰苯二甲酸，就會令睾酮降低，減少精子數量，同時亦會增加人類提早進入青春期、增加女性卵巢早衰、流產同早產嘅風險。